पटक पटक मिति घोषणा गर्दा पनि समयमै निर्वाचन गर्न नसकेको नेपाल पत्रकार महासंघले पुन:निर्वाचन कार्यतालिका सार्वजनिक गरेको छ । शुक्रबार चौथोपटक मिति घोषणा गरेको केन्द्रीय निर्वाचन समितिले शनिबार चुनावी कार्यतालिका सार्वजनिक गरेको हो ।
यसअघि महासंघको निर्वाचन समितिले गत असार १२ गते पनि निर्वाचन तालिका सार्वजनिक गरेको थियो ।
निर्वाचन समितिले आगामी असोज १२ मा एकैपटक तीनै तहको चुनाव गर्ने तालिका सार्वजनिक गरेको छ । निर्वाचन समितिद्वारा जारी तालिका अनुसार असोज ४ गते विहान ११ बजेदेखि दिउँसो ३ बजे सम्म उम्मेदवारले मनोनयन दर्ता गर्नुपर्ने छ ।
तर तर उम्मेदवार मनोनयन भने फरक फरक समयमा हुने छ । केन्द्रीय कार्यसमितिका लागि ४ असोजमा उम्मेदवारी मनोनयन दर्ता हुनेछ भने प्रदेशको असोज ८ मा मनोयन दर्ता हुनेछ । यस्तै जिल्ला शाखाहरूको उम्मेदवारी दर्ता १० असोजमा हुनेछ ।
त्यस्तै उम्मेदवारमाथि दाबी विरोध गर्नुपरेमा असोज ५ गते दिउँसो २ बजेसम्म गर्नुपर्नेछ भने मनोनयन फिर्ता लिन चाहेमा असोज ५ गते दिउँसो ४ बजे भित्र लिनु पर्ने छ । महासघले असोज ५ गते साँझ ६ बजे नै उमेदवारको अन्तिम नामावली प्रकाशन गर्ने जनाएको छ ।
महासंघका अनुसार १२ असोजमा विहान ९ बजेदेखि अपराहन्न ३ बजेसम्म मतदान हुनेछ । चुनावपछि १२ असोजमा मतगणना हुनेछ । चुनावी कार्यतालिकासँगै निर्वाचन समितिले मतदाता नामावली पनि सार्वजनिक गरेको छ ।
नेपाल पत्रकारमहासंघका मतदाताको नामावली हेर्न यहाँ क्लिक गर्नुहोस् ।
