पोलिगन कलेजले नेपाल पत्रकार महासंघको सिफारिसमा आमसञ्चार तथा पत्रकारितामा स्नातकोत्तर अध्ययन गर्ने चार जना पत्रकारलाई हरेक वर्ष छात्रवृत्ति दिने भएको छ ।
पोलिगन कलेजका प्रिन्सिपल अविरल थापा र नेपाल पत्रकार महासंघका अध्यक्ष विपुल पोखरेलबीच मंगलबार छात्रवृत्ति सम्बन्धी सहमति पत्रमा हस्ताक्षर भएको छ ।
'सन् २०२१ को शैक्षिक सत्रबाट पोलिगन कलेजले महासंघको सिफारिसमा हरेक वर्ष ४ जना संचारकर्मीलाई आमसञ्चार तथा पत्रकारितामा स्नातकोत्तर (MAMCJ) अध्ययनको लागि पूर्ण छात्रवृत्ति प्रदान गर्नेछ', प्रिन्सिपल थापाले भने ।
महासंघले छात्रवृत्तिका लागि सिफारिस गर्ने पत्रकार महिला, मधेसी, दलित वा सीमान्तकृत समुदायको हुनुपर्ने सहमतिपत्रमा उल्लेख छ । महासंघले छात्रवृत्तिका लागि सिफारिस गर्ने चार जना पत्रकारले शतप्रतिशत छात्रवृत्ति प्राप्त गर्नेछन् ।
सम्झौता अनुसार महासंघले सिफारिस गरेका चार जनालाई प्रत्येक वर्ष कलेजले दुई लाख रुपैयाँ छात्रवृत्ति दिने छ भने बाँकी बत्तिसहजार आठसय रुपैयाँ अध्ययन गर्न चाहाने विद्यार्थी स्वयमले बेहोर्नुपर्ने छ ।
इच्छुक र योग्य उम्मेदवारले नेपाल पत्रकार महासंघमा सम्पर्क गर्न सक्नेछन् ।
सन् २०१० मा काठमाडौंमा स्थापित पोलिगन कलेजले पूर्वाञ्चल विश्वविद्यालयसँगको सम्बन्धनमा आमसञ्चार र पत्रकारिता विषयमा स्नातकोत्तर तहको अध्ययन गराउँछ ।
