‘सिधाकुरा’ र यसको युट्युब च्यानलमा प्रकाशित 'स्टिङ अपरेशन' भनिएको अडियो मिथ्या (फेक) रहेको पुष्टि भएको छ ।
'एक्सक्लुसिभ' भन्दै सिधाकुराबाट प्रकाशित अडियो 'फेक' रहेको नेपाल प्रहरीको केन्द्रीय अनुसन्धान ब्यूरो (सीआईबी) ले निष्कर्ष निकालेको हो । सिआईबीको टोलीले दुई साता लगाएर गरेको अनुसन्धानले सो अडियोमा उल्लेखित विवरण यथार्थ नरहेको पुष्टि गरेको हो ।
गत वैशाख १४ गते सिधा कुरा डटकमले 'EXCLUSIVE: ४ सय बढी भ्रष्टाचारका मुद्दा ढिसमिस गराउन सर्वोच्चका न्यायाधीश सहभागी बैठकको ‘स्टीङ अपरेशन’, कैलाश सिरोहिया र क्याप्टेन रामेश्वर थापा पनि जोडिए' शीर्षकमा अडियो सार्वजनिक गरेको थियो । डिआईजी नविन्द अर्यालको नेतृत्वमा ६ सदस्यीय अनुसन्धान टोलीले गरेको अनुसन्धानमा सो सामग्रीमा रहेको अडियोको विवरण झुटो भएको निष्कर्ष निकालेको हो ।
यससँगै सीआईबीले उक्त अडियो युट्युबमा प्रसारण गरेका सामग्रीका सम्बन्धमा विद्युतीय कारोबार ऐन २०६३ को कम्प्युटरसम्बन्धी कसुर, मुलुकी अपराध संहिताको न्यायविरुद्ध कसुर आकर्षित हुने भनेको छ ।
🔗 सिधाकुराले प्रकाशन गरेको सनसनीपूर्ण अडियो र त्यसले निम्त्याएको बहस सजिलोसँग बुझ्नुहोस् । ⤵️
यो शृङ्खलाका सम्बन्धित सामग्रीहरूः
╰┈➤ विकृत पत्रकारिताको राम्रो उदाहरण
╰┈➤ प्रेस स्वतन्त्रतालाई कुनै पनि निकायको आदेशले सीमित गर्न हुँदैनः महासंघ
╰┈➤ सर्वोच्चको सिधाकुरा- 'स्टिङ अपरेसन'को सामग्री हटाउनू [आदेशको पूर्णपाठ]
╰┈➤ सर्वोच्चको आदेशलगत्तै 'सिधाकुरा'ले हटायो सनसनीपूर्ण भिडियो
╰┈➤ सिधाकुराका प्रकाशक र सम्पादकविरुद्ध अवहेलना मुद्दा
╰┈➤ मिडियाका सञ्चालक समेत मुछिएको भनिएको ‘स्टिङ अपरेसन’ पछिका तरङ्ग र बुझ्नैपर्ने १० कुरा
