सदस्यता शुद्धीकरण विवाद टुङ्ग्याउन नसक्दा अनिश्चितकालका लागि स्थगित भएको नेपाल पत्रकार महासंघको निर्वाचन असार २२ मा हुने भएको छ ।
शुक्रबार महासंघको केन्द्रीय निर्वाचन समितिले निर्वाचन कार्यतालिका सार्वजनिक गर्दै असार २२ गते निर्वाचन हुने जनाएको हो ।
गत वैशाख २१ र २२ मा काठमाडौंमा सम्पन्न महासंघको २७ औँ महाधिवेशनले जेठ २६ गते निर्वाचन गर्ने घोषणा गरेको थियो ।
तर सदस्यता शुद्धीकरण विवाद टुङ्ग्याउन नसक्दा जेठ २६ गते शनिबार तोकिएको नेपाल पत्रकार महासङ्घको निर्वाचन अनिश्चितकालका लागि स्थगित भएको थियो ।
कहिले के हुन्छ ?
महासंघले शुक्रबार तालिका सार्वजनिक गर्दै असार ७ गते (शुक्रबार) राति साढे ८ बजे मतदाता नामावली प्रकाशन हुने जनाएको छ।
यस्तै,नामावली प्रकाशन भएलगत्तै असार १० गते बिहान १० बजेसम्म मतदाता नामावलीमाथी दाबी विरोध गर्न पाइनेछ भने असार १२ गते अपरान्ह चार बजे मतदाताको अन्तिम नामावली प्रकाशन गर्ने रहेको जनाइएको छ ।
असार १३ गते बिहान १० बजेदेखि अपरान्ह ४ बजेसम्म उम्मेदवारको मनोनयन दर्ता, १३ गते साँझ ८ बजे नामावली प्रकाशन गर्ने महासंघद्वारा सार्वजनिक कार्यतालिकामा उल्लेख गरिएको छ ।
यस्तै महासंघद्वारा सार्वजनिक गरिएको कार्यतालिका अनुसार असार १५ गते बिहान ११ बजेसम्म उम्मेदवारको मनोनयनपत्र फिर्ता लिने छ । भने उम्मेदवारको अन्तिम नामावली प्रकाशन असार १५ गते दिउसो २ बजे हुनेछ ।
असार २२ गते बिहान ९ बजेदेखि साँझ ५ बजेसम्म मतदान हुनेछ भने मतदान सकिए लगत्तै मतगणना कार्य सुरु हुने महासंघको निर्वाचन कार्यतालिकामा उल्लेख गरिएको छ ।
हेर्नुहोस् कार्यतालिका:-
