नेपाल पत्रकर महासंघ, केन्द्रीय निर्वाचन समितिले महासंघको मतदाता नामावली प्रकाशित गरेको छ ।
महासंघको सात सदस्य केन्द्रीय निर्वाचन समितिले मंसिर १८ गते सूचना प्रकाशित गरी मतदाता नामावली सार्वजनिक गरेको हो ।
नेपाल पत्रकार महासंघको केन्द्रीय समिति, प्रदेश समिति, संस्थागत समिति, जिल्ला शाखा र प्रतिष्ठान शाखाको निर्वाचन आउँदो मंसिर २८ गते हुँदै छ ।
मतदाताको नामावली नेपाल पत्रकार महासंघको वेवसाईट www.fnjnepal.org तथा केन्द्रीय निर्वाचन समितिको कार्यालयको सूचना पाटीमा टाँस गरिएको छ ।
नेपाल पत्रकार महासंघको मंसिर २८ गते सम्पन्न हुने निर्वाचनमा सहभागी हुन सम्पूर्ण सदस्यले विधान बमोजिमको शुल्क समेत भुक्तानी गरेको हुनुपर्ने केन्द्रीय निर्वाचन समितिले जनाएको छ ।
महासंघको केन्द्रीय निर्वाचन समितिले निर्वाचन कार्यतालिका पनि सार्वजनिक गरेको छ ।
