सङ्कटका बेला आमसञ्चारको महत्त्व र उपयोग सामान्य अवस्थामा भन्दा कैयौँ गुणा बढ्छ किनकि स्वास्थ्य तथा सुरक्षाबारेको जनचेतना फैलाउन योजत्तिको प्रभावकारी माध्यम अर्को छैन । पछिल्ला केही वर्षमा सामाजिक सञ्जाललाई सूचना वा जानकारी फैलाउन प्रयोग गरिए पनि त्यसको विश्वासनीयतामा प्रश्न उठ्ने अवस्था रहेकाले पनि आमसञ्चारको महत्त्व कम भएको छैन । कोरोना भाइरस महामारीका बेलामा पनि सञ्चार क्षेत्रले आफ्नो जिम्मेवारी त्यसैगरी निर्वाह गरिरहेको छ ।
सेवा क्षेत्रमा सबैभन्दा बढी असर पारेको यो महामारीले आमसञ्चारको क्षेत्रमा पनि ठूलै सङ्कट सिर्जना गर्यो । नेपालमा पनि अखबार तथा पत्रपत्रिका अस्थायी र स्थायी रूपले बन्द भए । सयौँ पत्रकारको रोजगारी गुम्यो । प्रजातान्त्रिक समाजका लागि स्वस्थ मिडिया र सञ्चार विविधताको ठूलो महत्त्व हुने भएकाले यस क्षेत्रका उद्योग जोगाउनु महत्त्वपूर्ण हुन्छ । तर, नेपालमा भने महामारीले श्रमजीवीलाई सडकमा पुर्याउने तर मिडियाका सञ्चालक तथा मालिकहरूलाई भने कुनै प्रभाव नपार्ने स्थिति देखियो ।
अर्कातर्फ, विद्युतीय मिडियाले पाउने विज्ञापनमा पछिल्ला केही महिनामा अभुतपूर्व वृद्धि देखिएको छ तर त्यसको प्रतिफल श्रमजीवीले पाउन सकेका छैनन् । सरकारले दिने सहुलियत, समानुपातिक विज्ञापनबापतको आर्थिक सहायतालगायतका सम्पूर्ण सुविधा मालिकहरूका पेवामात्र बनेका छन् । यही परिदृश्यमा यहाँ विश्वका केही मुलुकमा महामारीमा आमसञ्चार क्षेत्रले के–कस्ता राहत वा सुविधा पायो भन्ने चर्चा गरिएको छ । पढ्नुस् मोदनाथ ढकालको गोरखापत्र दैनिकमा प्रकाशित लेख ।
