चालु आर्थिक वर्षको सुरुका तीन महिनामा सञ्चारमाध्यमविरुद्ध १२४ वटा उजुरी दर्ता भएका छन् ।
असोज मसान्तसम्म दर्ता भएका उजुरीमध्ये ९३ वटा गालीबेइज्जती/चरित्रहत्या/मानहानी, २५ वटा भ्रामक तथा असन्तुलन, २ वटा बार्गेनिङ तथा ४ वटा हुबहु र समाचार चोरीका रहेको प्रेस काउन्सिल नेपालले जनाएको छ ।
प्रेस काउन्सिलले प्रेस काउन्सिल ऐन, पत्रकार आचारसंहिता बमोजिम नियमित गर्दै आएको उजुरी/जनगुनासाको सुनुवाइ र सञ्चार माध्यमबाट सम्प्रेषित सामग्रीको अनुगमन गर्दै आएको छ ।
अदालतमा विचाराधीन रहेको मुद्दाका विषयमा सामग्री सम्प्रेषण गरेका ४ वटा सञ्चार माध्यमलाई न्याय निरुपणमा प्रभाव पार्ने किसिमका सामग्री सम्प्रेषण नगर्न/नगराउन काउन्सिलले निर्देशन दिएको छ ।
काउन्सिलको विज्ञप्ति
