कान्तिपुर पब्लिकेसन्सले विभिन्न ३२ जिल्लाहरूका लागि स्ट्रिन्जर पदमा आवेदन माग गरेको छ। ३० वर्ष ननाघेका युवाहरूबाट आवेदन माग गरिएको कान्तिपुरले सूचनामा जनाएको छ ।
कोशी प्रदेशअन्तर्गत संखुवासभा, धनकुटा, भोजपुर, इलाम, झापा, ओखलढुंगा, सुनसरी, तेह्रथुम र उदयपुर जिल्लाका लागि स्ट्रिन्जर माग गरिएको छ । मधेश प्रदेशबाट सप्तरी, बारा, सर्लाही, धनुषा र महोत्तरी जिल्लाहरूबाट आवेदन माग गरिएको छ ।
यस्तै, बागमती प्रदेशबाट सिन्धुपाल्चोक, धादिङ, नुवाकोट र रामेछाप जिल्लाका लागि आवेदन माग गरिएको छ । गण्डकी प्रदेशअन्तर्गत लमजुङ, तनहुँ, पर्वत र कास्की जिल्लाबाट आवेदन माग गरिएको छ ।
लुम्बिनी प्रदेशबाट बर्दिया र गुल्मी जिल्ला र कर्णाली प्रदेशबाट मुगु, डोल्पा र हुम्ला जिल्लाबाट आवेदन माग गरिएको छ । सुदूरपश्चिम प्रदेशबाट डोटी, बैतडी, बाजुरा, डडेलधुरा र कैलाली जिल्लाबाट आवेदन माग गरिएको छ ।
इच्छुक उम्मेदवारहरूले आफ्नो बायोडाटासहित एउटा हार्डन्युज र २ मिनेटको भिडियो रिपोर्टसहित [email protected] मा आवेदन पठाउन सक्नेछन् ।
आवेदन दिने अन्तिम मिति २०८१ माघ २ तोकिएको छ । छनोट भएका उम्मेदवारहरूले आफ्नो जिल्लामा रहेर कान्तिपुर पब्लिकेसन्सको प्रतिनिधिको रूपमा काम गर्ने अवसर पाउनेछन् ।
पत्रकारितामा स्ट्रिन्जर भनेको करार सम्झौतामा समाचार संस्थालाई समाचार, तस्बिर वा भिडियो सामग्री उपलब्ध गराउने पत्रकार बुझिन्छ । उनीहरूले पूर्णकालीन कर्मचारी नभई प्रति सामग्रीको आधारमा पारिश्रमिक पाउँछन् ।
नेपालको ठूलो सञ्चारसंस्था कान्तिपुरबाट गत वर्ष काठमाडौं तथा अन्य जिल्लाहरूमा कार्यरत कयौँ श्रमजीवी पत्रकारहरूलाई गैरकानुनी तरिकाले निस्कासन तथा सरुवा गरिएपछि लामो समयसम्म आन्दोलन भएको थियो । कान्तिपुरमा त्यसयता जिल्लाहरू लक्षित यो पहिलो आवेदन आह्वान हो ।
कान्तिपुरको सूचना पढ्नुहोस्ः
