यदि तपाईँ खोजमूलक पत्रकारिता गर्नुहुन्छ र त्यसलाई आंशिक वा पूर्ण रुपमा मल्टिमिडियामा रुपान्तरण गर्न चाहनुहुन्छ भने यो तालिम तपाईँका लागि हो । नेपाल इन्भेस्टिगेटिभ मल्टिमिडिया जर्नालिज्म नेटवर्क (NIMJN) ले आयोजना गरेको प्रशिक्षणमा तपाईँले खोजमूलक डकुमेन्ट्री कसरी निर्माण गर्ने भनेर प्रयोगात्मक सीप सिक्न पाउनु हुनेछ ।
एनआईएमजेएनले खाेज पत्रकारहरूका लागि २०७९ वैशाख २६ गतेदेखि बैशाख ३० गतेसम्म ५ दिने डकुमेन्ट्री प्रशिक्षण आयोजना गरेको हो । यस तालिममा पत्रकारलाई छाेटा र लामा डकुमेन्ट्री बनाउन प्रशिक्षण दिइने नेटवर्कले जनाएको छ ।
१५ जना खोजमूलक पत्रकार सहभागी हुने यो प्रशिक्षणमा सहभागी हुन चैत ३०, २०७८ सम्म आवेदन दिन सकिन्छ ।आवेदन दिन तपाईँले यो गुगल फर्म भर्नुपर्ने हुन्छ ।
नेपाल इन्भेस्टिगेटिभ मल्टिमिडिया जर्नालिज्म नेटवर्क तालिम, शिक्षा तथा अनुसन्धानमार्फत नेपालमा खोजमूलक एवं मल्टिमिडिया पत्रकारिताको स्तर सुधारमा क्रियाशील गैरनाफामूलक संस्था हो । यसले पत्रकारहरूलाई खाेजमूलक मल्टिमिडिया स्टोरी तयार गर्नका लागि विशिष्ट खाेजमूलक मल्टिमिडिया रिपोर्टिङ प्रशिक्षण तथा मेन्टरसिप सहायता प्रदान गर्छ।
ह्युम्यानिटी युनाइटेडको सहयोगमा प्रेस स्वतन्त्रता र खोज पत्रकारिता प्रवर्द्धन परियोजना अन्तर्गत तालिम आयोजना गरिएको हो ।
यसैगरी, एनआईएमजेएनले ९ महिने खोजमूलक एवं मल्टिमिडिया रिपोर्टिङ फेलोसिपका लागि एक जना सिनियर र एक जना जुनियर फेलोका लागि पनि आह्वान गरेको छ । यसका लागि आवेदन दिने अन्तिम मिति चैत १५, २०७८ छ । आवेदन दिन गुगल फर्म भर्नु हाेस् ।
एनआईएमजेएनले कार्यक्रम अधिकृत, कार्यक्रम तथा प्रशासन एसोसियट र केही इन्टर्नका लागि पनि आवेदन आह्वान गरेको छ ।
