सिएमआर नेपाल जर्नलिजम एकेडेमीले सन् २०२५ मा हुने मल्टिमिडिया सामग्री उत्पादनका लागि मोबाइल पत्रकारिता तालिमको आवेदन खुल्ला गरेको छ ।

जर्मनीको इन्टरलिङ्क एकेडेमीसँगको सहकार्यमा स्थापित जर्नलिजम एकेडेमीलेले नेपाली पत्रकारहरूका लागि काठमाण्डौंमा यो तालिम सञ्चालन गर्न लागेको हो।

तालिमका लागि छनौट भएका पत्रकारलाई तालिमको शुल्कका लागि इन्टरलिङ्क एकेडेमीले फेलोशीप प्रदान गर्नेछ।

तालिमका महत्त्वपूर्ण मितिहरू निम्न प्रकार छन्:

पहिलो सत्र: फेब्रुअरी १६ देखि २१ तारिख (विसं २०८१ फागुन ४ देखि ९) काठमाण्डौँमा बिहान ९ देखि ५ बजे
दोस्रो सत्र: अप्रिल ७ देखि १२ सम्म (विसं २०८१ चैत्र २५ देखि ३०) काठमाण्डौँमा बिहान ९ देखि ५ बजे

बिचका ६ साता अनलाइन कार्य हुनेछ जसमा प्रशिक्षार्थीले हप्ताको ६ देखि ८ घण्टा दिनुपर्नेछ।

कसले आवेदन दिन सक्छन्?
कम्तीमा तीन वर्ष अनुभव भएका नेपाली पत्रकारहरू। यो तालिक आधारभूत तालिम हो र मल्टिमिडिया पत्रकारिताको अनुभव नभएकाहरूले पनि आवेदन दिन सक्छन्।

तालिमका विषय के-के हुन्?
तालिमका मोबाइल फोन प्रयोग गरेर तस्बिर, आवाज र भिडियो रेकडिङ् गर्ने, तिनलाई सम्पादन गरेर मल्टिमिडिया स्टोरी निर्माण गर्न आवश्यक शिपमूलक विषयहरू सामेल हुनेछन्।

तालिम शुल्क कति लाग्छ?
यो तालिम शुल्क रु ९९,००० हो तर छनौट भएका पत्रकारका सम्पूर्ण खर्च (काठमाण्डौं उपत्यकाका सहभागीको तालिम शुल्क र उपत्यका बाहिरका सहभागीको तालिम शुल्क, यातायात र आवास खर्च) एकेडेमीले बेहोर्ने छ।

तलिम कस्तो हुन्छ?
तालिम जर्नलिजम एकेडेमीको ६+६+६ फर्म्याटमा सञ्चालन हुन्छ। यसको अर्थ ६ दिन बिहान ९ देखि ५ बजेसम्म एकेडेमीको कक्षाकोठामा तालिम हुन्छ भने त्यसपछि ६ साता अनलाइनमा सञ्चालन हुन्छ र अन्तिममा फेरि ६ दिन बिहान ९ देखि ५ बजेसम्म तालिम सञ्चालन हुन्छ।

आवेदन दिन के-के चाहिन्छ?
तपाईँको बायोडेटाको doc वा pdf तयार गरेर फाराम भर्न सकिन्छ। छनौट भएका सहभागीले कार्यरत संस्थाबाट तालिमका लागि स्वीकृति र तालिम अवधिका लागि बिदा दिइएको पत्र बुझाउनु पर्नेछ।

छनौट कसरी गरिन्छ?
तालिम सहजकर्ता, जर्नलिजम एकेडेमीको प्रतिनिधि र इन्टरलिङ्क एकेडेमीको प्रतिनिधिको समितिले प्राप्त आवेदनमध्येबाट १२ जनाको छनौट गर्छ। यसरी छनौट गर्दा सहभागितामूलक बनाउन प्रयास गरिन्छ।

आवेदन दिने अन्तिम दिन: फेब्रुअरी ७ तारिख (माघ २५ गते)

निशुल्क तालिममा एक मिडियाबाट एकभन्दा बढि सहभागी छनौट गरिनेछैन।

आवेदन गर्नका लागि यहाँ क्लिक गर्नुहोस । थप जिज्ञासा भए [email protected] मा इमेल गर्न सक्नुहुनेछ ।