सिएमआर नेपाल जर्नलिजम एकेडेमीले सन् २०२५ मा नेपाली भाषामा हुने पड्कास्टिङ् तालिमका लागि आवेदन खुल्ला गरेको छ ।

जर्मनीको इन्टरलिङ्क एकेडेमीसँगको सहकार्यमा स्थापना गरिएको जर्नलिजम एकेडेमीलेले नेपालमा पत्रकारहरूका लागि काठमाण्डौंमा पड्कास्टिङ् तालिम सञ्चालन गर्न लागेको हो ।

तालिमका महत्त्वपूर्ण मितिहरू निम्न प्रकार छन्:

पहिलो सत्र: विसं २०८१ माघ १३ देखि १८ गते (ईसं २०२५ ज्यानुअरी २६ देखि ३१)
दोस्रो सत्र: विसं २०८१ चैत्र ३ देखि ८ गते (ईसं २०२५ मार्च १६ देखि २१)

कसले आवेदन दिन सक्छन्?

कम्तीमा तीन वर्ष अनुभव भएका नेपाली पत्रकारहरू । यो तालिम आधारभूत तालिम हो र पड्कास्टिङको अनुभव नभएकाहरूले पनि आवेदन दिन सक्छन् ।

तालिमका विषय के-के हुन्?

तालिमका पड्कास्टिङ निर्माण, प्रसारण/प्रकाशन र प्रवर्धनसम्बन्धी शीपमूलक विषयहरू सामेल हुनेछन् । पड्कास्टिङ तालिम अडियोमा केन्द्रित हुनेछ र भिडियोसम्बन्धी सीपहरू यो तालिममा राखिएका छैनन् ।

तालिम शुल्क कति लाग्छ?

यो तालिमको शुल्क रु ९९,००० हो । तर तालिमका छनौट भएका सहभागीको सम्पूर्ण खर्च (काठमाण्डौं उपत्यकाका सहभागीको तालिम शुल्क र उपत्यका बाहिरका सहभागीको तालिम शुल्क, यातायात र आवास खर्च) का लागि एकेडेमीले छात्रवृत्ति प्रदान गर्नेछ ।

तलिम कस्तो हुन्छ?

तालिम जर्नलिजम एकेडेमीको ६+६+६ फर्म्याटमा सञ्चालन हुन्छ । यसको अर्थ ६ दिनको पहिलो सत्र बिहान ९ देखि ५ बजेसम्म एकेडेमीको कक्षाकोठामा तालिम हुन्छ भने त्यसपछि ६ साता अनलाइनमा सञ्चालन हुन्छ र अन्तिममा फेरि ६ दिनको दोस्रो सत्र बिहान ९ देखि ५ बजेसम्म तालिम सञ्चालन हुन्छ ।

आवेदन दिन के-के चाहिन्छ?

तपाईँको बायोडेटाको doc वा pdf तयार गरेर यहाँ फाराम भर्न सकिन्छ । छनौट भएका सहभागीले कार्यरत संस्थाबाट तालिमका लागि स्वीकृति र तालिम अवधिका लागि बिदा दिइएको पत्र बुझाउनु पर्नेछ ।

कहिले सम्म दिन पाइन्छ आवेदन ?

आवेदन दिने अन्तिम मिति जनवरी १७, २०२५ अर्थात माघ ४ गते रहेको छ । 

छनौट कसरी गरिन्छ?

तालिम सहजकर्ता, जर्नलिजम एकेडेमीको प्रतिनिधि र इन्टरलिङ्क एकेडेमीको प्रतिनिधिको समितिले प्राप्त आवेदनमध्येबाट १२ जनाको छनौट गर्छ । यसरी छनौट गर्दा सहभागितामूलक बनाउन प्रयास गरिन्छ ।

सन् २०२५ मा सिएमआर नेपाल जर्नलिजम एकेडेमीले सञ्चालन गर्ने तालिमहरूमा काठमाण्डौँ उपत्यका बाहिरका पत्रकारहरूलाई प्राथमिकता दिइने छ ।

तालिममा एक मिडियाबाट एकभन्दा बढि सहभागी छनौट गरिने छैन ।

अन्य तालिममा सहभागीले फेरि आवेदन गर्न पाउँछन्?

जर्नलिजम एकेडेमीको निशुल्क तालिममा छनौट भइसकेका पत्रकारले फेरि आवेदन दिन पाउँदैनन् । तर आवेदन दिएर छनौट नभएका पत्रकारले आवेदन दिन पाउँछन् ।

आवेदन गर्नका लागि यहाँ क्लिक गर्नुहोस । थप जिज्ञासा भए [email protected] मा इमेल गर्न सक्नुहुनेछ ।