तीन ठूला राजनीतिक दल निकट पत्रकारका संगठनहरूले कान्तिपुर पब्लिकेसन्समा पत्रकारहरूमाथि गैरकानुनी रुपमा भएका अवकाश तथा निष्काशनका घटनामा चासो दिएका छन् ।
नेपाली कांग्रेसनिकट प्रेस युनियन नेपाल, प्रेस चौतारी नेपाल र नेपाल प्रेस सेन्टरले बिहीबार संयुक्त प्रेस विज्ञप्ति जारी गरी कान्तिपुरमा श्रमजीवी पत्रकार ऐन विपरित श्रमजिवी पत्रकारलाई सेवाबाट निष्कासन गरेको घटनाप्रति गम्भीर ध्यानाकृष्ट भएको जनाएका छन् ।
"कान्तिपुरले लामो अवधि काम गरेका स्थायी तथा करार, स्ट्रिन्जर पत्रकारको सम्झौता नवीकरण नगर्ने, इमेलमार्फत अवकास पत्र पठाउने, कतिपयलाई स्ट्रिन्जर बस्न र केहीलाई राजीनामा दिन बाध्य बनाउन मानव संशाधन विभागबाट फोन गरेर टर्चर दिने जस्ता कार्य गरेको पीडित पत्रकारले गुनासो गरेका छन्", विज्ञप्तिमा लेखिएको छ ।
कान्तिपुरले पत्रकारमाथि गरेको दुर्व्यवहार निन्दनीय भएको उनीहरूको ठहर छ । “मुलुकमा…आर्थिक मन्दीको कारण देखाउँदै कान्तिपुरले वर्षौँ कार्यरत श्रमजीवी पत्रकारको सम्झौता नवीकरण नगर्ने, अवकाश पत्र दिने, राजीनामा दिन बाध्य बनाएर रित्तो हात घर पठाउन खोज्नु, स्थायीलाई स्ट्रिन्जरमा झार्न खोज्ने कार्य निन्दनीय छ”, प्रेस युनियन अध्यक्ष शिव लम्साल, प्रेस चौतारी अध्यक्ष गणेश बस्नेत र प्रेस सेन्टरका अध्यक्ष विष्णु सापकोटा जुगलद्वारा जारी संयुक्त विज्ञप्तिमा लेखिएको छ, “श्रम ऐनमा भएको व्यवस्था विपरीत पत्रकारलाई जबरजस्ती यस्ता कार्य तत्काल रोक्न आग्रह गर्दछौं । नेपालको प्रचलित ऐन, कानुन अनुसार पत्रकारको पेशागत सुरक्षाको ग्यारेन्टी गर्न कान्तिपुर समक्ष अनुरोध गर्दछौं ।”
उनीहरूले कान्तिपुरमा कार्यरत पत्रकारले व्यस्थापन समक्ष राखेका मागहरूप्रति आफ्नो पूर्ण समर्थन र ऐक्यवद्धता रहेको जनाएका छन् । पत्रकारका मागलाई तत्काल सम्बोधन गर्दै श्रमजीवी पत्रकार ऐनमा भएको व्यवस्था अनुसार व्यवहार गर्न पनि उनीहरूले आग्रह गरेका छन् । उनीहरूले कानुनी आधारलाई टेकेर वार्ता र सम्वादको माध्यमबाट समस्याको समाधान खोज्न कान्तिपुर व्यवस्थापनसँग आग्रह गरेका छन् ।
“पत्रकारका माग र आग्रहलाई बेवास्ता गरिए श्रमजीवी पत्रकारको पक्षमा कडा आन्दोलनमा उत्रिन बाध्य हुनेछौं”, संयुक्त विज्ञप्तिमा भनिएको छ, “त्यसबाट उत्पन्न हुन सक्ने समस्याप्रति कान्तिपुर व्यवस्थापन नै जिम्मेवार र जवाफदेही हुने समेत स्पष्ट पार्दछौं ।”
कान्तिपुरमा के भइरहेको छ ? पढ्नुस्
- कान्तिपुरका पत्रकारमाथि व्यवस्थापनले गरेको अपमानको फेहरिस्त
- कसले गर्यो कान्तिपुरबारे ‘अलर्गल प्रचार’ ? महासंघ शाखाको विज्ञप्तिका सङ्केत र सन्देश
- कान्तिपुर व्यवस्थापनले पत्रकार महासंघको प्रतिष्ठान शाखालाई वार्तामा बोलायो
- कान्तिपुरबाट फोटो पत्रकारहरू निकालिएको भन्दै पीजे क्लबको विरोध
- कान्तिपुरको समस्या सुनेपछि सञ्चारमन्त्रीले भनिन्- आवश्यक परे क्याबिनेटमा प्रस्ताव लान्छौँ
- कान्तिपुर व्यवस्थापनलाई गल्ती सच्याउने अवसर, यस्ता छन् पत्रकारका १२ माग
- कान्तिपुर प्रकरणमा पत्रकार महासंघको चेतावनी- 'माग बेवास्ता गरे कडा संघर्ष'
- दशैँको मुखमा ६८ पत्रकारलाई कान्तिपुरको अवकाश पत्र
- पत्रकार महासंघको ठहर- कान्तिपुर व्यवस्थापनका काम ‘कानुनी व्यवस्थाविरोधी’
- ‘कान्तिपुर’ मा सल्किएको आगो
