सिएमआर नेपाल जर्नलिज्म एकेडेमीले सन् २०२४ मा हुने Data Driven Journalism तालिमका लागि आवेदन खुल्ला गरेको छ । जर्मनीको इन्टरलिङ्क एकेडेमीसँगको सहकार्यमा स्थापित जर्नलिज्म एकेडेमीले नेपाली पत्रकारहरूका लागि काठमाडौँ यो तालिम सञ्चालन गर्न लागेको हो।
तालिमका लागि छनौट भएका पत्रकारलाई तालिमको शुल्क, तालिम अवधिको खाना र काठमाडौँ उपत्यका बाहिरका पत्रकारलाई बसोबासका लागि फेलोसिप प्रदान गरिनेछ।
तालिमको पहिलो शत्र आउँदो चैत्र ४ देखि ९ गतेसम्म हुनेछ भने दोस्रो शत्र २०८१ वैशाख २३ देखि २८ गतेसम्म हुनेछ । बिचका ६ साता अनलाइन कार्य हुनेछ जसमा प्रशिक्षार्थीले हप्ताको ६ देखि ८ घण्टा दिनुपर्नेछ।
फागुन १७ गतेसम्ममा आवेदन दिन सकिने एकेडेमीले जनाएको छ ।
कम्तीमा तीन वर्ष अनुभव भएका नेपाली पत्रकारहरूले यो तालिमका लागि आवेदन दिन सक्छन् । एकेडेमीका अनुसार यो तालिम आधारभूत तालिम हो र डेटा पत्रकारिताको अनुभव नभएकाहरूले पनि आवेदन दिन सक्छन् ।
नेपाली भाषामा हुने तालिममा निम्न विषयहरू समावेश हुनेछन्ः
- Data in journalism
- Working with data: calculations and filtering
- Data Visualization: graphs, charts and maps
- Data sources and formats
- Data scrapping and cleaning
- Making sense of the huge data
- Live tables, graphs and maps
- Data-driven stories
छनौट भएका पत्रकारहरूका लागि यो तालिम निशुल्क हो । सहभागीको सम्पूर्ण खर्च (काठमाडौँ उपत्यकाका सहभागीको तालिम शुल्क र उपत्यका बाहिरका सहभागीको तालिम शुल्क, यातायात र आवास खर्च) का लागि छनौट भएका पत्रकारलाई फेलोशीप प्रदान गरिने छ।
तालिम कस्तो हुन्छ?
तालिम जर्नलिज्म एकेडेमीको ६+६+६ फर्म्याटमा सञ्चालन हुन्छ। यसको अर्थ ६ दिन बिहान ९ देखि ५ बजेसम्म एकेडेमीको कक्षाकोठामा तालिम हुन्छ भने त्यसपछि ६ साता अनलाइनमा सञ्चालन हुन्छ र अन्तिममा फेरि ६ दिन बिहान ९ देखि ५ बजेसम्म तालिम सञ्चालन हुन्छ।
आवेदन दिन बायोडेटाको doc वा pdf तयार गरेर फाराम भर्न सकिन्छ । छनौट भएका सहभागीले कार्यरत संस्थाबाट तालिमका लागि स्वीकृति र तालिम अवधिका लागि बिदा दिइएको पत्र बुझाउनु पर्नेछ ।
छनौट कसरी गरिन्छ?
तालिम सहजकर्ता, जर्नलिज्म एकेडेमीको प्रतिनिधि र इन्टरलिङ्क एकेडेमीको प्रतिनिधिको समितिले प्राप्त आवेदनमध्येबाट १२ जनाको छनौट गर्छ । यसरी छनौट गर्दा सहभागितामूलक बनाउन प्रयास गरिन्छ ।
निशुल्क तालिममा एक मिडियाबाट एकभन्दा बढी सहभागी छनौट नगरिने आयोजकले जनाएको छ । थप प्रश्न भए [email protected] मा इमेल गर्न सकिन्छ । यहाँ क्लिक गरेर आवेदन दिन सकिन्छ ।
