मल्टिमिडिया पत्रकारितामा कार्य गर्न चाहने पत्रकारहरूलाई लक्ष्य गरी बागमती प्रदेशअन्तर्गतको सञ्चार रजिस्ट्रारको कार्यालयले तालिमका लागि आवेदन आह्वान गरेको छ । पुस ८ गते प्रकाशित सूचनाअनुसार बागमती प्रदेशभित्र क्रियाशील पत्रकारहरूले सूचना प्रकाशित भएको मितिले ७ दिनभित्र आवेदन दिन सक्नेछन् ।
सञ्चार रजिस्ट्रार कार्यालय बागमती प्रदेशको आन्तरिक मामिला तथा कानुन मन्त्रालय अन्तर्गतको निकाय हो । कार्यालयले तीनथरी तालिम दिन लागेको छ । मोबाइल पत्रकारिता (Mobile Journalism), अनलाइन पत्रकारिता (Online Journalism) र तथ्याङ्कगत पत्रकारिता (Data Driven Journalism) मा कार्यालयले आवेदन मागेको हो ।
निवेदन दिँदा तपाईँले व्यक्तिगत विवरण र रेडियो, टेलिभिजन वा अनलाइन पत्रकारितामा कम्तिमा दुई वर्ष काम गरेको अनुभव प्रमाणित गर्ने कागजात पठाउनुपर्नेछ । यस्तै मोबाइल पत्रकारिता, अनलाइन पत्रकारिता वा तथ्याङ्कगत पत्रकारितामध्ये के तालिम लिन चाहेको हो प्राथमिकीकरण गरी तपाईँले आफ्नो रुची उल्लेख गर्नुपर्नेछ ।
यदि तपाईँले यसभन्दा अगाडि यस्तै किसिमका कुनै तालिममा सहभागी हुनुभएको भए यो पनि उल्लेख गर्नुपर्नेछ । यति कुरा उल्लेख गरी तपाईँले [email protected] मा इमेल गर्नुपर्छ ।
कार्यालयका फोन नम्बरहरू 057-520250 (हेटौँडा) वा 01-5199707 (काठमाडौं) मा फोन गरी थप जानकारी लिन सकिन्छ ।
