नेपाल इन्भेस्टिगेटिभ मल्टिमिडिया जर्नलिज्म नेटवर्क (NIMJN) ले खोज रिपोर्टिङ फेलोसिपको लागि आवेदन आह्वान गरेको छ । निम्जिनले एआई र टेक अकाउन्टिबिलिटी, संगठित अपराध, खाद्य सुरक्षा तथा उपभोक्ता अधिकार र श्रम आप्रवासका विषयमा खोज रिपोर्टिङ फेलोसिपको लागि आवेदन आह्वान गरेको हो ।
२ जना सिनियर र २ जना जुनियर गरी ४ जनाको लागि यो फेलोसिप प्रदान गरिने निम्जिनले जनाएको छ ।
सिनियर फेलोका लागि कम्तिमा ६ वर्षको अनुसन्धानात्मक पत्रकारिताको अनुभव भएका मिड करियर वा अनुभवी पत्रकारलाई प्राथमिकता दिइनेछ । त्यस्तै जुनियर फेलोका लागि कम्तिमा २ वर्षको अनुसन्धानात्मक पत्रकारिताको अनुभव भएका अर्ली करियर पत्रकारहरूलाई प्राथमिकता दिइएको छ ।
इच्छुक पत्रकारहरूले अक्टोबर ३१ अर्थात् कात्तिक १५ गते सम्ममा आवेदन दिइसक्नु पर्ने छ । आवेदन दिनका लागि यहाँ क्लिक गर्नुहोस् ।
फेलोसिपबारे थप बुझ्नका लागि यहाँ क्लिक गर्नुहोस् ।
