जलवायु परिवर्तन, पुनरुत्पादक कृषि, र वित्तीय समावेशीकरणजस्ता मुद्दाहरूमा रिपोर्टिङ गर्न फेलोसिपका लागि आवेदन खुला भएको छ ।
प्राक्टिकल एक्शनले जलवायु परिवर्तन, पुनरुत्पादक कृषि, र वित्तीय समावेशीकरणजस्ता मुद्दाहरूमा सशक्त रिपोर्टिङ गर्ने कृयाशील पत्रकारहरूका लागि यो फेलोसिप खुला गरिएको हो ।
ग्रामीण क्षेत्रका साना किसानहरू, विशेष गरी जलवायु परिवर्तनबाट प्रत्यक्ष प्रभावित समुदायहरूका समस्या, चुनौतिहरू, र उनीहरूको जीवनस्तरमा सकारात्मक परिवर्तन ल्याउन सञ्चार क्षेत्रको भूमिकालाई मजबुत बनाउने उदेश्यका साथ यो फेलोसिप आह्वान गरेको प्राक्टिकल एक्शनले जनाएको छ ।
यो फेलोसिप ६ जना पत्रकारले पाउनेछन् । पत्रकारिता गर्दै गरेका नयाँ पत्रकार (early career journalist) तथा DEI (विविधता, समानता, र समावेशी) पृष्ठभूमिका पत्रकारहरूलाई फेलोसिपमा प्राथमिकता दिइनेछ।
इच्छुक पत्रकारहरुले असोज १६ गते बुधबार साँझ ५ बजेभित्र आवेदन दिनुपर्ने छ ।
रिपोर्टिङका विषय के-के हुन् ?
१. ग्रामीण जीविकोपार्जनका लागि कृषि पर्यावरण, पुनरुत्पादक र जलवायुमैत्री कृषि बजार प्रणाली विकास ।
२. कृषिमा लैंगिक समानता, अपाङ्गता र सामाजिक समावेशीकरण ।
३. नेपालका किसानहरू, विशेष गरी महिलाहरूलाई वित्तीय साक्षरता, डिजिटल साक्षरता र डिजिटल वित्तीय साक्षरताका मध्यमबाट वित्तीय समावेशीकरण ।
४. कृषि क्षेत्रमा डिजिटल वित्तीय सेवाहरूको उपलब्धता र प्रयोग बढाउनका लागि पारिस्थितिक प्रणालीको विकास ।
५. कृषिमा डिजिटल प्रविधि ।
फेलोसिपको फाइदाहरू
मिडिया फेलोसिप २०२४ मा छनोट भएका पत्रकारहरूले १ लाख रुपैयाँ बराबरको आर्थिक सहयोग प्राप्त गर्नेछन् । यो कार्यक्रम अन्तर्गत छनोट भएका पत्रकारहरुले लेखन, सम्पादन, तथ्य जाँच र मल्टिमिडिया प्रयोग सम्बन्धी तालिम प्रदान गरिने आयोजकले जनाएको छ ।
कसरी दिने आवेदन
फेलोसिपका लागि आवेदन दिन चाहने पत्रकारहरूले आफ्ना लेख तथा रिपोर्टहरूको नमुना, बायोडाटा (CV) र आफ्नो प्यान कार्डको प्रतिलिपि [email protected] मा पठाउनु पर्नेछ।
आवेदनको शीर्षकमा "Media Fellowship 2024" उल्लेख गर्नु जरुरी छ। आवेदन दिने अन्तिम म्याद असोज १६, २०८१ गते साँझ ५ बजे सम्म रहेको छ। थप जानकारीका लागि यहाँ क्लिक गर्नुहोस् ।
