प्रेस काउन्सिल नेपालले लेखनवृत्तिको नतिजा सार्वजनिक गरेको छ । मिडिया विकास कोषको २०७७ पुस २० गतेको बैठकले अन्तिम नतिजा सार्वजनिक गरेको हो ।
निर्धारित समयावधिमा परेका आवेदनमध्येबाट २१ जना आवेदकले प्रतिव्यक्ति १५ हजार रुपैयाँको लेखनवृत्ति प्राप्त गर्ने भएका हुन् । काउन्सिलले २०७७ मङ्सिर २८ गते लेखनवृत्तिका लागि आवेदन माग गरेको थियो ।
प्रत्येक प्रदेशबाट तीन जनाको दरमा २१ जना आवेदक छानिएको मिडिया विकास कोषका सदस्य–सचिव झबिन्द्र भुसालले जानकारी दिए । काउन्सिलले २०७६ चैतदेखी २०७७ मङ्सिरसम्म प्रकाशित/प्रसारित कोभिड–१९ सम्बन्धी ५ वटा चेतना र शिक्षामुलक लेख तथा समाचार सामाग्री माग गरेको थियो ।
तोकिएको मापदण्डमा रहेर आवेदन दिएकाहरूलाई उनीहरूका सामग्रीको मूल्याङ्कन गरी नाम छनोट गरिएको उनले बताए ।
लेखनवृत्तिका लागि प्रदेश १ बाट इलामका भागिरथ भण्डारी, सुनसरीका मिकाइल आलम र ओखलढुङ्गाका शिवप्रसाद ढुङ्गाना छानिएका छन् । प्रदेश २ बाट महोत्तरीकी सुनिता बराल (हेमकुमारी), धनुषाकी मनिका झा र महोत्तरीका राकेश चौधरी छानिएका छन् ।
बाग्मती प्रदेशबाट दोलखाकी उषा तामाङ, रसुवाकी अनु आचार्य र धादिङकी निरमाया गुरुङ (डोल्मा मम्बा) छानिएका छन् ।
गण्डकी प्रदेशबाट कास्कीका दीपक परियार, पर्वतका रोसन तिवारी र नवलपुरकी पिताम्बरी पराजुली (पवित्रा) छनिएका छन् ।
लुम्बिनी प्रदेशबाट नवलपरासीकी कल्पना भट्टराई, रुपन्देहीकी रेनुका गिरी, दाङकी सपना बोहरा छानिएका छन् ।
कर्णाली प्रदेशबाट रुकुम पश्चिमका मेगराज खड्का, हुम्लाका नरजङग तामाङ र दैलेखका हिक्मत बहादुर नेपालीले लेखनवृत्ति पाएक छन् ।
सुदुरपश्चिम प्रदेशबाट बझाङका सत्यराज बहादुर सिंह, कञ्चनपुरका मोहन विष्ट र कैलालीका दुर्गा देवकोटा लेखनवृत्तिका लागि छानिएका छन् ।
